Қорқыт ата атындағы Қызылорда университетінде «Kyzylorda Hub» бизнес-инкубаторының ұйымдастыруымен «AI Bootcamp – Журналистикадағы жасанды интеллект» атты семинар-тренинг өтті.
Үш күндік семинар журналистердің цифрлық сауаттылығын арттырып, оны сапалы медиаконтент әзірлеу барысында тиімді қолдану дағдыларын қалыптастыруға бағытталды.
Семинарға өңірдің жетекші бұқаралық ақпарат құралдарында еңбек ететін 15 журналист қатысты. Оқу барысында қатысушылар жасанды интеллект көмегімен ақпаратты жылдам әрі тиімді іздеу, алынған мәліметтердің шынайылығын тексеру және оларды кәсіби қызметте пайдалану жолдарын меңгерді. Сонымен қатар, журналистика саласында нейрожелілердің мүмкіндіктерін тиімді қолдану тәсілдері түсіндіріліп, түрлі цифрлық платформалар арқылы мәтіндік және мультимедиалық контент әзірлеудің заманауи әдістері таныстырылды.
Қорқыт ата атындағы Қызылорда университетінің медиа орталығы
