Жұма, 19 сәуiр, 20:15

Жауапкершілігі шектеулі серіктестігі

Аймақ басшысы қызылордалықтарды құттықтады

01.03.2023

157

0

Қызылорда облысының әкімі Нұрлыбек Нәлібаев Сыр өңірінің тұрғындарын 1 наурыз — Алғыс айту күнімен құттықтады.

«Қадірлі жерлестер! Құрметті Сырбойылықтар! ​Берекесі мен бірлігі жарасқан барша Сыр жұртшылығын көктемнің ең алғашқы шуақты мерекесі – «Алғыс айту күнімен» шын жүректен құттықтаймын!
Алғыс айту күні — табиғаттың ояну уақытымен, жаңа үміттермен сәйкес келетін, ұлттық ынтымақтастық пен жерлестердің бір-біріне деген мейірімділігін, достығы мен сүйіспеншілігін көрсететін көзайым күн.
1 наурыз Қазақстан халқы Ассамблеясының — келісім және этносаралық өзара ықпалдасу институтының құрылған күні.
​Әуелден «Сыр – Алаштың анасы» атанған, тарихы терең, келешегі кенен қасиетті мекен. Құшағына құт қонған, ынтымағына ырыс тұрған текті топырақ бөтенді бөлмей, бауырына баса білді. Тағдыр-тауқымет кешкен талайға пана болып, мейірбан мінез танытқан мерейлі халқыма әрқашан алғыс айтамын.
Кең пейіліне кемеңгерлік рух сыйлаған, ерінбей еңбек еткен маңдай теріне молшылық тоқтаған, ыстық жүрегіне ымырашыл ниет, жомарттық сезім ұялаған, сенімі жойылмаған салиқалы еліммен әрдайым мақтанамын.
Халқымызға тән асыл қасиеттер – туыстық тату, асқақ абырой, шынайы әділдік, құрмет пен ізгілік мәңгілік салтанат құрсын деп тілеймін.
​Әрбір шаңырақта шаттық шалқып, бірліктің бесігі тербелген берекесі таси берсін!
​Мереке құтты болсын! Баршаңызға мың алғыс!», — делінген аймақ басшысының құттықтауында.

Тағы да оқыңыз: