Сыр Медиа

жауапкершілігі шектеулі серіктестік
» » "ҚАЙСАР" ӨЗ АЛАҢЫНДАҒЫ СОҢҒЫ ОЙЫНЫНДА "АТЫРАУДЫ" ОЙСЫРАТА ҰТТЫ

"ҚАЙСАР" ӨЗ АЛАҢЫНДАҒЫ СОҢҒЫ ОЙЫНЫНДА "АТЫРАУДЫ" ОЙСЫРАТА ҰТТЫ


    Қызылордада «Атырауды» қабылдаған «Қайсар» бірінші таймның қорытындысы бойынша қонақтардан 0:1 есебімен жеңіліп жатып, үзілістен кейін төрт гол соқты.
    «Қайсар» (Қызылорда) – Атырау 4:1 (0:1)
    Голдар: Максимович, 45+1 (0:1). Байжанов, 54 (1:1). Аржанов, 62 (2:1). Курьор, 86 (3:1). Курьор, 90 (4:1). Ескертулер: Қайраллиев 64, Граф 83.
    «Қайсар»: Григоренко, Аржанов, Граф, Камара (Нәрзілдаев 40), Курьор, Ламанж, Әмірсейітов, Байжанов (к), Чуреев (Евстигнеев 78), Жаңғылышбай (Алтынбеков 81), Коробкин. Резерв: Исламқұлов, Жахаев, Бойович, Джа Джедже, Мулдаров, Сахалбаев.
     «Атырау»: Нәрзіқұлов, Джокич, Лобжанидзе, Сикимич (Қалмұратов 60), Саломов, Аблитаров, Максимович, Әбдірахманов, Хайруллин (к) (Қайраллиев 46), Чичулин, Сергиенко (Жагоров 56).  Резерв: Пасеченко, Мәжитов, Эсатов, Коробов, Маров, Тәжімбетов.
    Төрешілер: Александр Гаузер, Денис Виноградов, Рустам Бейжанов (бәрі де – Петропавл).
     Қызылорда қаласы, Ғани Мұратбаев стадионының қосалқы алаңы. 2000 көрермен.
    Бұл «Қайсардың» биылдыққа өз алаңындағы соңғы ойыны болатын. Сондықтан, жанкүйерлерін қалайда қуантқысы келді. Бірақ, бір жағынан соңғы кездері Сыр өңірінен неше түрлі әңгіме жетіп жатыр. Алдымен «Қайсардың» директоры ауысады екен деген сыбыс жетті. Одан кейін бас бапкері Стойчо Младеновтің Грекиядан 120 мың евроға үй сатып алғаны туралы жазылды. Әлбетте, мұның барлығы команданың ішкі жағдайына әсер етуі мүмкін екендігі де айтылды. Қанша дегенмен, халық әртүрлі. «Қазақтың ақшасы Грекияға кетіп жатыр» дейтіндер де жетерлік қой. Іші тарларға себеп табылса болғаны. «Алса, не болыпты? Младеновтің «Қайсарсыз-ақ» жетіп жатыр ғой. Еңбекпен тапқан ақшасын қайда жұмсаса да өз еркі» дейтіндер де бар. Бәрі солай десе жақсы ғой. Дегенмен, қызылордалықтардың қазіргі жағдайы жанкүйерлерін қуантып тұр. Егер соңғы екі кездесуінде жеңіске жетіп жатса, келесі маусымда Еуропа лигасында ойнауға да мүмкіндіктері бар.
    «Атырауға» қарсы ойынды алаң иелері жақсы бастады. Стойчо Младенов шәкірттерінің толассыз шабуылынан көз ашпаған қонақтар қорғаныстан шыға алмай да қалды. Тек 20 минуттан кейін ғана Қуаныш Қабдулов шәкірттері ақырындап алаңға бой үйрете бастады да, алғашқы соққысын жасады. Бұл Александр Григоренкоға еш қауіп тудырған жоқ. «Қайсар» тізгінді қайта қолына алып, қонақтарды тықсырта берді. Матиас Курьор сол жақтан әрекеттенсе, Владимир Аржанов сол қапталдан атойлады. Алғы шепте Тоқтар Жаңғылышбай сараңдық танытпағанда орта шептен ентелей енген Мақсат Байжановтың есеп ашуға мүмкіндігі болған еді. Осылайша бірінші тайм соңына тақап қалды. Диктордың бір минут қосылғанын хабарлағаны сол еді, «Атыраудың» серб легионері Новица Максимович алыстан қақпаға допты лақтыра салды. Алдындағы қорғаушылардан көрмей қалды ма, әлде Новицадан мұндай соққы күтпеді ме, Александр Григоренко кеш құлап, ақырын, «мың ойлана» ұшқан допты қолтығының астынан өткізіп алды. Есеп – 0:1.
    Үзіліс кезінде бас бапкерінен біраз сөз естіді ғой деймін, «Қайсар» ойыншылар екінші таймда қателікке бой алдырған жоқ. Алдымен Аржановтың пасынан кейін Мақсат Байжанов ашық қалған қақпаға допты бағыттай салса, арада 10 минут өтпей жатып, украиналықтың өзі гол соғып, алаң иелерін алға шығарды. Алайда, қызылордалықтар екі голға қанағат қылған жоқ. Аздап демалып алып, матч соңына қарай қарқындарын қайта үдетті. Нәтижесінде Матиас Курьор дубль жасап, есепті 4:1-ге жеткізді.
     Енді «Қайсар» қалған екі ойынын түзде өткізеді. Алдымен Оралға, содан кейін Таразға қонаққа барады. Ал «Атырау» келесі турда «Таразды» қабылдаса, маусымды Қостанайда қорытындылайды.
    Әзиз ЖҰМАДІЛ, sportsffa.kz  


Командаожтұдұпай
1«Астана»30234368 - 1973
2«Қайрат»31219170 - 2672
3«Ордабасы»311741041 - 3355
4«Тобыл»3111101033 - 2543
5«Иртыш»311012932 - 3142
6«Шахтер»311231635 - 4839
7«ҚАЙСАР»311081329 - 3638
8«Атырау»31981431 - 5032
9«Актөбе»31791534 - 4330
10«Ақжайық»31781629 - 4529
11«Тараз»31881527 - 4626
12«Оқжетпес»30732025 - 5224
23 қазан 2017 ж. 634 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Қыркүйек 2020    »
ДсСсСрБсЖмСбЖс
 123456
78910111213
14151617181920
21222324252627
282930 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области