Сыр Медиа

жауапкершілігі шектеулі серіктестік
» » "Қайсар" "Атырауды" 3-1 есебімен ұтты

"Қайсар" "Атырауды" 3-1 есебімен ұтты

Kyzylorda-news.kz. Футболдан Қазақстан премьер лигасының 22 турында "Қайсар" "Атырауға" қонаққа барды, деп хабарлайды клубтың баспасөз қызметі.

Қазақстан кубогының финалына жолдама алған қос клубтың біріншіліктегі ойыны көпшілікке қызық болды. Кездесу төреші Рахымбаевтың нұсқауымен басталысымен "қасқырлар" шабуылға ден қойды. Ойынның 31 минутында Тигран Барсегянға қарсы айып алаңында тәртіп бұзылып, бас төреші 11 метрлік айып добын белгіледі. Пенальтиды армениялық легионер сәтті орындап, командасын алға шығарды.
Арада 6 минут өткен соң Иван Антипов есепті теңестіріп, ойынды шиеленістіре түсті. Кездесудің бірінші жартысы аяқталар тұста Думан Нәрзілдаевтың шірене берген пасына Тигран Барсегян бірінші жетіп, "Қайсарды" қайта алға шығарды.
Ойынның екінші жартысында Дулуб бапкер алаңға тыңнан жаңа ойыншыларын шығарып, әуселесін байқап көрді. Матчтың 52 минутында Тигран Барсегян таблодағы есепті еселеп, Қазақстан біріншілігіндегі алғашқы хет-тригын орындады. Тигранның үшінші салған добынан кейін, таблодағы есеп өзгеріссіз қалды. Қорытынды есеп 1-3.
12 тамыз 2019 ж. 22 0
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области