Сыр Медиа

жауапкершілігі шектеулі серіктестік
» » ЖАН ЖҰМБАҒЫН ЖАРИЯ ЕТКЕН ҚҰДІРЕТ

ЖАН ЖҰМБАҒЫН ЖАРИЯ ЕТКЕН ҚҰДІРЕТ


    Ә.Тәжібаев атындағы облыстық әмбебап ғылыми кітапханасы мен М.Мәметова атындағы гуманитарлық колледж студенттері бірлесе отырып ҚР Мемлекеттік сыйлығының лауреаты Иран–Ғайыптың 70 жылдығына арналған «Жан жұмбағын жария еткен құдірет» атты шығармашылық кеш өткізді.
    Таланттың алтын тағын мінген Сыр перзенті өзінің туындыларына жаратылыстың ұлы феномені – адамды басты нысана ете отырып, оның бүкіл болмысындағы күйініші мен сүйінішін, қуанышы мен мұңын өзіне ғана тән сезімталдықпен жеткізе білген. Алғашқы «Жүрек жырлайды» атты жинағы 1974 жылы жарық көрді. 1990 жылы үш томдық, ал 2006 жылы 13 томдық таңдамалы жыр жинақтары жарық көрді. «Қорқыттың көрі» атты жыр кітабы үшін ҚР Мемлекеттік сыйлығының лауреаты атанды.  
    Иран-Ғайып өнердегі тазалықты қалайтын ақын. Ақынның тыныс-тіршілігі, арман-тілегі әр өлеңінде көрініс табады. Шара барысында сөз алған қазақ тілі пәнінің оқытушылары М.Меңдібаева мен Б.Ахунов Иран-Ғайыптың поэзиясының көркемдік жүйесінен тақырыбының әр алуандығы, ізденіс мұраттары, өлең өрісі мен ондағы өмір өнегелері, кеңінен көрініс беретінін айтты. Колледж кітапхана меңгерушісі З.Пазылова өз сөзінде ақынның адами болмысты бейнелеуден, ізгілікке құштарлықтан өмір, уақыт тынысын сездіретін шығармаларына тоқталды. Ақынның шығармашылығына арналған бейне ролик көрсетілді.
    Студенттер Иран-Ғайып шығармаларынан «Қадыр мен Тұманбайға», «Тәуелсіздік толғауы», « Абайға арнау», «Ақын ағаға», «Күн тұншыққан кеудемде» өлеңдерін оқыды.  
    Кеш соңында «Жан жұмбағын жария еткен құдірет» атты кітап көрмесімен танысты.





18 қазан 2017 ж. 857 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Қыркүйек 2020    »
ДсСсСрБсЖмСбЖс
 123456
78910111213
14151617181920
21222324252627
282930 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области