Сыр Медиа

жауапкершілігі шектеулі серіктестік
» » Сыр өнерпаздары гастрольдік сапармен Өзбекстанға барады

Сыр өнерпаздары гастрольдік сапармен Өзбекстанға барады

Kyzylorda-news.kz. Сырбойылық өнерпаздар алдағы аптада Өзбекстанға сапарлатпақ, деп хабарлайды «Сыр бойы» газеті.

Бірнеше шығармашылық ұжымның гастрольдік туры осы елдегі Қазақстан жылы аясында ұйымдастырылып отыр. Олардың қатарында Тұрмағамбет атындағы халық аспаптар оркестрі, «Томирис» би ансамблі, облыстық филармонияның әнші-жыршылары – барлығы 80-ге жуық адам бар.
«Өнер шеберлерінің концерті 14 тамыз күні Науаи қаласындағы «Фархад» мәдениет үйінде өтеді. Гастрольдік сапар Күнсұлу Түрікпен, Марат Сүгірбай, Әділхан Қуаңбай, Нұртілек Ақтаев, Амандық Жаппарбердиев, Бейсенбек Төлеубай секілді дәстүрлі орындаушылардың этноэкспедициясымен жалғасады. Олар 15, 16, 17 тамыз күндері қазақтар көп шоғырланған Кенимех, Тамды және Үшқұдық елді мекендерінде болып, қандастарымызды жырмен сусындатпақ», – дейді облыстық филармония директоры Талғат Мақашов.
Жергілікті шығармашылық ұжым Өзбекстанның астанасы мен оған жақын өңірлерде бұған дейін де бірнеше рет болған. Ал бұл жолы шалғай елді мекендерге қазақ диаспораларының шақыруымен барғалы отыр. Өнерпаздардың кәсіби деңгейінің жоғарылауына, тәжірибе алмасуына мүмкіндік беретін мұндай гастрольдік сапарлар географиясы соңғы жылдары кеңейе түскені рас. Былтырдың өзінде Ресей, Ұлыбритания, Түркия, Біріккен Араб Әмірліктерінде ән мен жырдан шашу шашып, көрермен көзайымына айналып үлгерді. Филармония басшысы өнердің өрістеп, рухани керуен көшінің алға жылжуында аймақ басшылығының қолдауы айрықша екенін атап өтті.

08 тамыз 2019 ж. 23 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области