Сыр Медиа

жауапкершілігі шектеулі серіктестік
» » «РУХАНИ ЖАҢҒЫРУ»: СУРЕТШІНІҢ ШЕБЕРЛІК САҒАТЫ

«РУХАНИ ЖАҢҒЫРУ»: СУРЕТШІНІҢ ШЕБЕРЛІК САҒАТЫ


     Қаладағы қылқалам иелерінің рухани мекеніне айналған көркемсурет галереясының қоры жылдан жылға байып келеді. Биылдың өзінде мәдени нысан 120 туындымен толықты. Келушілер саны да артыпты. Әсіресе, жастардың қызығушылығы ерекше. Бұл тұрғыда олардың сырлы өнерге деген құштарлығын арттыру мен оның қыр-сырын меңгертуге бағытталған түрлі шаралар қолға алынып келеді.
     Аталмыш бағыт бойынша көркемсурет галереясында «Туған жерге тарту» тақырыбымен Қазақстан суретшілер одағының мүшесі, Қазақстан Республикасының мәдениет қайраткері Мәлік Қайдаров жастарға портреттік жанрда шеберлік сағатын өткізді. Елбасының «Болашаққа бағдар: Рухани жаңғыру» бағдарламасын негізге ала отырып ұйымдастырылған бұл шараға қызығушылық танытқан талантты жастар қатары қалың. Белгілі қылқалам шебері бекзат өнерге бейімі бар әрбір жасқа бағыт-бағдар беруге қашанда даяр екендігін жеткізді. Айта кетейік, сырлы бояуынан талай кереметті тудырған өнер иесі Алматыдағы Н. Гоголь атындағы суретшілер училищесін, одан кейін Мәскеудегі В. Суриков атындағы институтты үздік тәмамдаған. Республикалық, халықаралық деңгейдегі көрме-байқауларға бірнеше мәрте қатысып, өнері жоғары бағаға ие болған. Бүгінге дейін «Бегім ананың арманы», «Құс жолы», «Сағым», «Триумвират», «Дала әуендері» жеке көрмелерін ұйымдастырып, өнерсүйер көпшілік назарына ұсынған. Сондай-ақ, суретшілерге арнап жарық көрген әдістемелік құралдары да бар. Қылқалам шеберінің туындылары қазір Қазақстанмен қатар Ресей, Дания, Швейцария сынды шет мемлекеттер галереясында тұр.
    Бағлан ТІЛЕУБЕРГЕНОВА

08 желтоқсан 2017 ж. 613 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Желтоқсан 2019    »
ДсСсСрБсЖмСбЖс
 1
2345678
9101112131415
16171819202122
23242526272829
3031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области