Сыр Медиа

жауапкершілігі шектеулі серіктестік
» » Қызылордада босанған әйел 45 күн комада жатып, қайтыс болған

Қызылордада босанған әйел 45 күн комада жатып, қайтыс болған

Kyzylorda-news.kz. Қызылорда облысында босанбақ болып жүрген 35 жастағы әйел ауруханада бір жарым ай бойы ес-түссіз жатып, қайтыс болған. Марқұмның отбасы қайлығы жағдайға дәрігерлерді кінәлауда. Олар әйелді аман алып қала алатынын айтқан. Сорақысы сол, олар әйелдің жатырын кесіп тастап, мұны жасырып келген, деп жазды BAQ.KZ.

Марқұмның жұбайы Кенжебай Өтеновтің сөзінше, жұбайының ай-күні жақындап, толғағы қысқанда аудандық ауруханаға алып барыпты. Емхана берген жолдамада әйелінің денсаулығы жақсы екені жазылғандықтан, мұндай қайғыға тап боламыз деп ойламапты. Алайда, босанған күнінің ертесіне Әлия Өтенова комаға түскен. Отбасындағылардың сөзінше, ес-түссіз жатқан бірнеше күнінде-ақ дәрігерлер оны аман алып қалатындарын айтыпты. Тіпті, сауығып кетеді деп сендіріпті. Бірақ 45 күн комада жатқан әйел ес жимастан қайтыс болған.
«Бәрі жақсы, уайымдайтын ештеңе жоқ. Орнынан тұрады», - деді дәрігерлер. 21 күн өткеннен кейін көп қан кеткендіктен жатырын алып тастағанын естідік», - деді марқұмның күйеуі.
Туыстары дәрігердердің ес-түссіз жатқан Әлияның жатырын ешкімге ескертпестен алып тастағанына қапалы.
Ал денсаулық сақтау басқармасындағылар Әлия Өтебаеваға облыс, тіпті, республикалық деңгейдегі дәрігерлер қолдан келер емдеу шараларын жасағанын айтады. Бұл жағдайға қатысты сот-медициналық сараптама тағайындалыпты.
«Мұндай асқыну өте сирек орын алады. Акушерлік асқыну болып табылады. Не себепті қайтыс болғанын анықтау үшін, сот-медициналық сараптама жүргіздік. Оның қорытындысы бір ай көлемінде дайын болады», - деді Денсаулық сақтау басқармасының бас маманы Жаңыл Әбубәкірова.
35 жастағы әйелдің өлімінің себебі сараптама нәтижесі шыққаннан кейін белгілі болмақ. Ал бұл дәрігерлердің ағаттығынан болды деп шағымданған отбасы құзырлы органдар істің ақ-қарасын анықтаса екен дейді.

08 мамыр 2019 ж. 150 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области