Сыр Медиа

жауапкершілігі шектеулі серіктестік
» » ҚЫЗЫЛОРДАЛЫҚ ЖАС ҒАЛЫМНЫҢ ЖАҢА МОНОГРАФИЯСЫ ЖАРЫҚ КӨРДІ

ҚЫЗЫЛОРДАЛЫҚ ЖАС ҒАЛЫМНЫҢ ЖАҢА МОНОГРАФИЯСЫ ЖАРЫҚ КӨРДІ


    Жақында «Болашақ» ғылыми-зерттеу институтының директоры, саяси ғылымдарының кандидаты М.Насимовтың «Сананы жаңғыртудың 6 бағыты: мәні, мазмұны және түсініктері» атты жаңа монографиясы жарық көрді. Ғылыми монографияда Елбасы Н.Ә. Назарбаевтың «Болашаққа бағдар: рухани жаңғыру» атты мақаласында ұсынылған тұтас қоғамның және әрбір қазақстандықтың санасын жаңғыртудың 6 бағытының мәні, мазмұны және түсініктеріне сараптама жүргізіледі.
    Монография алты бөлімнен тұрады. Бірінші бөлімінде бәсекелік қабілеттің негізгі белгілері мен ерекшеліктері айқындалады. Екінші бөлімі прагматизм ұғымының ғылыми түсініктеріне арналған. Үшінші бөлімде ұлттық бірегейліктің мәні мен түсініктері сарапталады. Төртінші бөлімде білімнің салтанат құруы мәселелері қарастырылады. Бесінші бөлім қоғамның эволюциялық дамуының жалпы көріністерін анықтайды. Ал, алтыншы бөлімінде сананың ашықтығы әрбір қазақстандықтың санасын жаңғыртудың бағыты ретінде айқындалады.
    Берілген монография «Болашақ» ғылыми-зерттеу институтының әлеуметтік-экономикалық және саяси зерттеулер орталығында орындалды. Пікір берушілер алқасында саяси ғылымдарының докторы, әл-Фараби атындағы Қазақ ұлттық университетінің саясаттану және саяси технологиялар кафедрасының профессоры С.Мұсатаев, саяси ғылымдарының докторы, «Жастар» ғылыми-зерттеу орталығы директорының ғылым жөніндегі орынбасары Ә.Қайдарова, тарих ғылымдарының докторы, Қорқыт Ата атындағы Қызылорда мемлекеттік университетінің «Қазақстан тарихы» кафедрасының қауымдастырылған профессоры Т.Сәтбай секілді танымал ғалымдар бар.
    Ғылыми монография Қызылорда облыстық Қазақстан халқы ассамблеясы хатшылығы мен облыс әкімі аппаратының «Қоғамдық келісім» коммуналдық мемлекеттік мекемесінің қолдауымен жарық көріп отыр.


10 қараша 2017 ж. 314 0

Саясат

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Желтоқсан 2018    »
ДсСсСрБсЖмСбЖс
 12
3456789
10111213141516
17181920212223
24252627282930
31 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области