Сыр Медиа

жауапкершілігі шектеулі серіктестік
» » ЕРЛІК ПЕН ЕҢБЕККЕ ҚҰРМЕТ

ЕРЛІК ПЕН ЕҢБЕККЕ ҚҰРМЕТ

Қызылорда қаласының әкімі Н.Нәлібаев Ұлы Жеңіс мерекесі қарсаңында майдангер және тыл ардагерлерін салтанатты түрде құттықтады.
Жүзден астам Жеңіс авторлары қатысқан салтанатты шара барысында ардагерлердің құрметіне концерттік бағдарламалар ұсынылып, мерекелік дастархан жайылды
  Жыл санап қатары сиреген батыр әкелеріміздің саны осыдан 3 жыл бұрын, яғни Жеңістің 70 жылдық мерейлі мерекесінде 41 ардагер болса,нақты кезеңде ортамызда 17 ардагер ғана бар.
Мұнан бөлек, қаламызда 1 мың 800-ге жуық тыл ардагерлері бар.
Олардың 35-і тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен марапатталғандар.
«Халқымыздың даңқты ұлдары мен қыздарының қан майдан мен жеңiс сағатын жанқиярлық iстерiмен жақындата түскен тылдағы еңбектері ешқашан да ұмытылмайды. Уақыт алға жылжыған сайын бұл ерліктің шоқтығы биіктеп, қадір – қасиеті, бағасы артып, тағлым - тәрбиесі мен мән - мағынасы тереңдеп, даралана түседі. Азаматтық арды ту етіп, ерен ерліктің үлгісін көрсеткен жеңімпаз жандарға әрдайым қамқорлық жасау біздің перзенттік парызымыз», - деді қала әкімі.
Мерекелік қабылдауға қатысқан барлық ардагерлерге, қала әкімі арнайы естелік сыйлықтар табыстады.
Жалпы, биылғы Жеңістің 73 жылдығына орай Ұлы Отан соғысының ардагерлері мен оларға теңестірілген адамдарды әлеуметтік қолдауға жергілікті және облыстық бюджеттерден бір жолғы көмек ретінде барлығы 152 млн. 620 мың теңге бөлінген.
  Оның ішінде, Ұлы Отан соғысы ардагерлеріне – 192 мың 400 теңгеден, Ұлы Отан соғысы жылдарында тылдағы қажырлы еңбегі мен мінсіз әскери қызметі үшін бұрынғы КСРО ордендерімен және медальдарымен марапатталғандарға – 120 мың 250 теңгеден және Ұлы  Отан соғысы жылдарында кемінде алты ай қызмет еткен адамдарға 72 мың 150 теңге мөлшерінде біржолғы материалдық көмек көрсетілуде.
  Сонымен қатар, қала әкімдігі тарапынан ардагерлерге арналған түрлі қайырымдылық шаралар мен басқа да қажетті қолдаулар жасалуда.

Қала әкімінің баспасөз қызметі                                                                                                                                                

08 мамыр 2018 ж. 79 0

Саясат

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Қыркүйек 2018    »
ДсСсСрБсЖмСбЖс
 12
3456789
10111213141516
17181920212223
24252627282930
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области