Сыр Медиа

жауапкершілігі шектеулі серіктестік
» » МЕМЛЕКЕТ БАСШЫСЫ АСТАНАДА ДОСТЫҚ ҮЙІН АШУДЫ ТАПСЫРДЫ

МЕМЛЕКЕТ БАСШЫСЫ АСТАНАДА ДОСТЫҚ ҮЙІН АШУДЫ ТАПСЫРДЫ


ҚР Президенті Нұрсұлтан Назарбаев Астанада Достық үйін ашуды тапсырды, деп хабарлайды ҚазАқпарат.
  «Меніңше, Астана қаласында достық үйін ашатын кез келді. Ондай нысандар жергілікті жерде бар. Енді, ондай үйді елордада ашу қажет. Ол үшін мына ғимаратты (Бейбітшілік және келісім сарайы - авт.) оларға беру керек. Себебі үш жылда бір рет Әлемдік және дәстүрлі діндер съезі өтіп тұрады. Биыл IV съезд өтеді. Дегенмен, басқа уақытта осы ғимаратты Достық үйі ретінде пайдалануға болады. Ол барлық республика бойынша Орталық достық үйі болады», - деді Н.Назарбаев Қазақстан халқы Ассамблеясының XXVІ сессиясында.
  Сондай-ақ Мемлекет басшысы Астанада ашылатын Достық үйінде Қазақстан халқы Ассамблеясының ғылыми-зерттеу орталығын ашуды тапсырды.
  «Қазір бәрі Қазақстан халқы Ассамблеясы туралы сұрайды. Оны қалай ұйымдастырдық? Қалай іске асырдық? Міне, осының бәрін зерттеп жазатын бір орталық болуы қажет. Жаңа кітаптарды, жаңа шығармаларды басу керек. Қазақстан халқы Ассамблеясын қалай құрғанымызды бәріне көрсеткен жөн. Сосын, алда әлі көп мақсаттар тұр. Проблемалар да бар. Соның бәрін шешу керек. Қандай мәселелерді ескермедік? Ғылыми-зерттеу орталығы осыны жан-жақты зерттеуі тиіс», - деп атап көрсетті Н.Назарбаев.
  Айта кетейік, бүгін Бейбітшілік және келісім сарайында Елбасы Нұрсұлтан Назарбаевтың төрағалығымен Қазақстан халқы Ассамблеясының XXVІ сессиясы басталды.




28 сәуір 2018 ж. 329 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Шілде 2019    »
ДсСсСрБсЖмСбЖс
1234567
891011121314
15161718192021
22232425262728
293031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области