Сыр Медиа

жауапкершілігі шектеулі серіктестік
» » Қызылорда: Алғыс айту күнінде қайырымды істер марафоны басталады

Қызылорда: Алғыс айту күнінде қайырымды істер марафоны басталады

Kyzylorda-news.kz. Қызылорда облысында 1 наурыз – Алғыс айту күніне орай қайырымды істер марафоны басталады. Бұл туралы Қызылорда облыстық ішкі саясат басқармасы басшысының орынбасары Қуаныш Әбілдаев хабарлады.

«Жоспарға сәйкес 1 наурызда аймақ басшысы Гүлшара Әбдіқалықованың қатысуымен Тәуелсіздіктің 30 жылдығы аясында «Қайырымды істер марафоны» жалпыұлттық жобасын облыстық деңгейде іске қосу шарасы өтеді. «Қоғамдық келісім» КММ-і мен «Қазақстан-Қызылорда» телеарнасы бірлесіп, этномәдени бірлестіктердің қатысуымен «Татулық пен алғыс» атты мерекелік фильм-концерт әзірледі. Облыстық ҚХА жанындағы ғылыми-сарапшылық тобының «Тәуелсіздік жылдарындағы жетістіктер» тақырыбында дөңгелек үстел отырысы өтті», – деді Қуаныш Әбілдаев.

Мерекені көпшілікке сезіндіру мақсатында бұқаралық ақпарат құралдары мен әлеуметтік желілерде «Шын жүректен» тақырыбында бейнероликтер әзірленіп, жариялануда. «30 жылға – 30 тілек» тақырыбында әр сала үздіктерінің бейнеқұттықтаулары ұйымдастырылып келеді.

«Алғыс айту күніне арналған мәдени-бұқаралық шаралар облыстың барлық аудандары мен елді мекендерінде өткізіледі», – деді Қуаныш Әбілдаев..

Республика көлемінде бастау алған «Қайырымдылық істер марафонын» Сыр өңірі 1 наурыз күні бастап, жыл көлемінде қарқынды түрде жүзеге асырады.

Брифинг аясында «Қоғамдық келісім КММ» директоры Бауыржан Мастеков ел дамуына үлес қосып жүрген тұлғаларды дәріптеп, жалпыұлттық жобаның аймақта жүзеге асуына кең көлемде атсалысуға шақырды.

«Қазақстан кәрістер қауымдастығы» облыстық қоғамдық бірлестігі төрағасының орынбасары Юрий Ким Алғыс айту күнінде қазақ халқына, қазақ еліне ризашылығын білдірді.

«Мен Қызылордада дүниеге келдім және әрқашан өз елімде өзімді қажет сезіндім. Ең бастысы, бізді этникалық құрам бойынша емес, істеріміз, еткен еңбегіміз бойынша бағалады. Қазақ халқының дархандығы мен жылулығы үшін алғысымыз шексіз, – деді ол.
26 ақпан 2021 ж. 67 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Мамыр 2021    »
ДсСсСрБсЖмСбЖс
 12
3456789
10111213141516
17181920212223
24252627282930
31 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области