Сыр Медиа

жауапкершілігі шектеулі серіктестік
» » Қызылордада ақпан айында 69 спорттық сайыс ұйымдастырылды

Қызылордада ақпан айында 69 спорттық сайыс ұйымдастырылды

Kyzylorda-news.kz. Аймақта ел Тәуелсіздігінің 30 жылдығын атап өту жөніндегі облыстық кешенді іс-шаралар жоспары әзірленген болатын. Онда ақпан айы – «Қазақстан спорттық ұлт» спорт айы болып белгіленген. Айлық аясында 69 спорттық сайыс өткізілді. Оған 5444 спортшы қатысып, өзара бақ сынады.

Спорттық жарыстардың 3-і республикалық, 15-і облыстық, 46-сы қалалық және аудандық деңгейде ұйымдастырылды. Тоғызқұмалақтан онлайн форматта өткізілген республикалық турнирге еліміздің барлық өңірінен 144 спортшы қатысты. Сондай-ақ, еркін күрестен және волейболдан республикалық турнир өтті. Оған өзге облыстардан 610 спортшы келді. Ал гандболдан және волейболдан облыстық біріншілік өткізілді.

Бұл жарыстарды ұйымдастырудағы басты мақсатымыз – Еліміздің Тәуелсіздігінің 30 жылдығын мерекелеу, жасөспірімдер мен жастарды патриоттық сезімге тәрбиелеуге және дене шынықтыру және спорт арқылы салауатты өмірге баулу. Аталған жарыстардың барлығы карантин талаптарын сақтай отырып, көрермендерсіз, салтанатты шараларсыз өткізілді, – деді облыстық дене шынықтыру және спорт басқармасының басшысы Жақсылық Оспанов.

Өңірде наурыз айында халық балуаны Қажымұқан Мұңайтпасұлының 150 жылдығына орай жастар арасында қазақ күресінен республикалық турнир, самбодан жасөспірімдер арасында ҚР чемпионаты болады.

Сәуір айында қазақ күресінен «Алтын белбеу» облыстық іріктеу турнирі, мәнерлеп сырғанаудан Элизабет Тұрсынбаеваның жүлдесіне арналған «Көктем жұлдыздары» республикалық турнирін өткізу жоспарлануда.
26 ақпан 2021 ж. 45 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Мамыр 2021    »
ДсСсСрБсЖмСбЖс
 12
3456789
10111213141516
17181920212223
24252627282930
31 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области