Сыр Медиа

жауапкершілігі шектеулі серіктестік
» » Қала әкімі Ақсуат ауылындағы жылыжай кешенімен танысты (ФОТО)

Қала әкімі Ақсуат ауылындағы жылыжай кешенімен танысты (ФОТО)

Kyzylorda-news.kz. Бүгін қала әкімі Нұрлыбек Нәлібаев Ақсуат ауылдық округінде орналасқан жылыжай кешенінің жұмысымен танысты.
Бүгінде Қызылорда қаласы бойынша барлығы 10 жылыжай кешені жұмыс жасауда. Махамбет ауылында орналасқан қияр егумен айналысатын жылыжай ішкі нарықты қамтып отыр. Аумағы 2 гектар болатын «КазАгроМир» ЖШС автоматтандырылған жылыжай кешенінің жалпы құны 1 млрд 129 млн. теңгені құрайды. Жергілікті жұмысшылар күніне орта есеппен 5-6 тонна өнім жинап, қала аумағындағы орналасқан сауда үйлеріне төмен бағада сатуда. Болашақта өндіріс көлемін күніне 10 тоннаға дейін, ал жылына 1000 тоннаға дейін ұлғайтып, қызанақ, болгар бұрышы, баклажан өсіруді жоспарлап отыр. Заманауи Испан технологиясымен жабдықталған жылыжай электр жарығы, сумен қамтылған. Кешенде 40 адам тұрақты жұмыс жасауда. Жылыжай иесі енді мұнда табиғи газ бен кешенге жеткізетін жол мәселесін қарастыруды сұрап отыр.
«Өзімізден шығатын өнім ең алдымен өзіміздің нарықты қамти отырып, облыс төңірегіндегі аудандарды да қамтуымыз қажет. Тұрғындар тұтынатын өнімдеріміздің бағасы шарықтамауы керек», деген шаһар басшысы мемлекет тарапынан қандайда қолдау керек болса әрдайым дайын екенін жеткізді.
Кездесуде кәсіпкердің мәселесін назарға алып, сала басшыларына бірқатар тапсырмалар берді.
Айта кетейік жылыжай кешені өткен жылдың соңында пайдалануға берілген болатын. Жоба мемлекеттің қолдауымен жүзеге асырылды.
Бұдан бөлек қалаға қарасты Қарауылтөбе ауылдық округінде «Натишаева» дара кәсіпкерінің 1 гектарлық кешені жұмыс жасауда. Осындай 8 шағын жылыжай қияр мен қызанақ өсіруде.
Келер жылы «Қарапайым заттар экономикасы» бағдарламасы бойынша тағы 2 гектар аумаққа жылыжай кешені салынбақ. Оңтүстік Корея технологиясы бойынша жүзеге асатын жоба құны 800 млн теңге. Қалаға қарасты «МТС Ас Агро» ЖШС жобаны қаржыландыру мақсатында ауыл шаруашылығы қаржылай қолдау институттары арқылы жұмыстар жүргізілуде.



12 мамыр 2020 ж. 23 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Маусым 2020    »
ДсСсСрБсЖмСбЖс
1234567
891011121314
15161718192021
22232425262728
2930 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области