Сыр Медиа

жауапкершілігі шектеулі серіктестік
» » Арал ауданында 100 орындық карантиндік стационар ашылды

Арал ауданында 100 орындық карантиндік стационар ашылды

Kyzylorda-news.kz. Аудан әкімі Мұхтар Оразбаев Арал ауданаралық ауруханасының жұқпалы аурулар бөлімшесінің ғимаратында ашылған инфекциялық және провезерлік стационарда болып, қажетті заттармен жабдықталған орталықты аралап көрді.
Бұл орталық COVID-19 коронавирусының инфекциясы анықталған жағдайда науқас толықтай тексерістен өткізілуіне қолайлы жағдай жасалған жатын орынмен қамтамасыз етілген. Сондай-ақ, №2 дарынды балаларға арналған мектеп-интернатының ғимаратында инфекция анықталған азаматтармен байланыста болған адамдарды арнайы оқшаулауға алып, медициналық бақылау жүргізетін 100 орындық карантиндік стационар жұмыс істейтін болады.
Аталған орталықтарды аралаған аудан басшысы тиісті сала басшылары мен жауапты мамандарға қажетті құрылғылардың болуы және қауіпсіздік шараларының қатаң сақталуы қажет екендігі жөнінде тапсырмалар жүктеді.
Одан соң аудан басшысы бірнеше дәріханаларда болып, вирустан қорғануға арналған медициналық маскалар мен бетперделердің сатылу бағасын қадағалады.
Қазіргі таңда бетперделерге тапшылық орын алмауы үшін аудан көлемінде орналасқан тігін шеберханалары мен дәріхана иелері арасында келісім жұмыстары жүргізілді. Атап айтар болсақ, жеке кәсіпкер И.Жұмашеваның, А.Келжанованың және С.Ибраеваның тігін шеберханаларында бетперделер тігіліп, дәріханалардың сұранысына сәйкес жөнелтілуде. Дәріханаларда бетперденің 1 данасы 90 теңгеден сатылуда.
Сонымен қатар, аудан әкімі орталық базардағы ет өнімдері сатылатын орындарды аралап, елімізде жарияланған төтенше жағдай кезінде тұрғындар көп тұтынатын, ауданнан шығатын ет бағасын негізсіз өсірмеуді базар басшылығы мен сатушыларға ескертті. Сондай-ақ, төтенше жағдай уақытындағы мемлекет басшысының және облыс әкімінің тапсырмаларын кәсіпкерлердің назарына жеткізді.

26 наурыз 2020 ж. 17 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области