Сыр Медиа

жауапкершілігі шектеулі серіктестік
» » Қызылордадағы «Атамекен» балалар ауылында «Next чемпионмын» акциясы өтті

Қызылордадағы «Атамекен» балалар ауылында «Next чемпионмын» акциясы өтті

Kyzylorda-news.kz. Бүгін Қызылорда облыстық Қазақстан халқы ассамблеясының ұйымдастыруымен «Атамекен» балалар ауылында «Next чемпионмын» акциясы өтті.
Акцияға Қызылорда облыстық ҚХА мүшелері, облыстық ҚХА жанындағы волонтерлер орталығының мүшелері және «Tarbie» спорттық волонтерлік бағытының өкілдері, «Қайсар» футбол клубының ойыншылары, спортшылар, жаттықтырушылар қатысты.
Әлеуметтік осал топ балаларын спортқа баулу мақсатында өткен шарада «Қайсар» футбол клубының ойыншылары Елдос Ахметов, Думан Нәрзілдаев сайысқа қатысушылармен кездесіп, оларға сәттілік тіледі.
«Мен сіздердей кезімде космонавт болғым келді, бірақ өскенде футболшы болдым. Армандар орындалу үшін алға үлкен мақсат қою керек. Мақсатқа жету үшін еңбек керек. Қазақстан халқы Ассамблеясының 25 жылдығы мен республикалық акцияға орай ұйымдастырылып жатқан салауаттылықты насихаттайтын шарада баршаңызға жеңіс тілеймін», - дейді «Қайсар» футбол клубының ойыншысы Елдос Ахметов.
Жасөспірімдерді спортқа баулу арқылы салауатты өмір салтына деген ынтасын арттыру, рухани даму және жақындарына құрмет көрсету, елде спорттық ортаны дамытуды көздеген шарада балалар ауылының тәрбиеленушілері көңілді спорт түрлерінен сайысқа түсті.
Белсенділік танытып, оқ бойы озып шыққан мықтыларға облыстық Қазақстан халқы ассамблеясы хатшылығының меңгерушісі Ләйлә Бегалықызының атынан диплом табысталып, этномәдени бірлестіктер мен волонтерлер тарапынан сыйлықтар берілді.



11 наурыз 2020 ж. 30 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Сәуір 2020    »
ДсСсСрБсЖмСбЖс
 12345
6789101112
13141516171819
20212223242526
27282930 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области