Сыр Медиа

жауапкершілігі шектеулі серіктестік
» » Қызылордада 41 түйесі бар отбасы әлеуметтік көмек алып келген

Қызылордада 41 түйесі бар отбасы әлеуметтік көмек алып келген

Kyzylorda-news.kz. Қызылордада қора-қора қойы, үйір-үйір жылқысы бар отбасылар атаулы әлеуметтік көмек алып келген. Бұл туралы «Nur Otan» партиясы Қызылорда облыстық филиалы саяси кеңесі бюросының кеңейтілген отырысында айтылды.
Тиісті сала мамандарының тексеруі нәтижесінде 1597 отбасына 1 млрд 71 млн теңге әлеуметтік көмек тағайындау тоқтатылды. Артық төленген 229 млн теңге бюджетке қайтарылған. Атаулы көмек алушылар саны Қызылорда қаласында – 4,5, Жаңақорғанда – 3,8, Шиеліде – 3,5 есеге артқан.
«Бұл атаулы әлеуметтік көмектің ретсіз тағайындалғанын көрсетеді. Тексеру барысында көптеген олқылықтар анықталды. Осындай көмекке ие болғандар қатарында 425 қойы, 19 түйесі бар отбасылар кездесті. Сондай-ақ, тағы бірінде 41 түйе, 47 жылқы бар екені белгілі болды. Жалпы, мемлекет көмегін шын мұқтаж адамдар алуы тиіс. Атаулы әлеуметтік көмекті алу үшін әдейі ажырасу, жұмыстан ерікті түрде шығу, табысты жасыру сияқты әрекеттерге баратын адамдар кездеседі», - деді облыс әкімі Қуанышбек Ысқақов
Қазіргі таңда Қызылорда облысында әрбір отбасына 84 мың теңгеден жоғары атаулы әлеуметтік көмек беріледі. Биылғы жылдың 1 қазанындағы мәлімет бойынша мұндай көмекті 147 мыңнан астам тұрғын алған.
07 қараша 2019 ж. 28 0
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области