Сыр Медиа

жауапкершілігі шектеулі серіктестік
» » Денис Теннің өлімі: Жанар Толыбаева түрмеге қайтып оралады

Денис Теннің өлімі: Жанар Толыбаева түрмеге қайтып оралады

Kyzylorda-news.kz. Жанар Толыбаева қауіпсіздігі орташа деңгейдегі колонияға оралады. Қазақстан Жоғарғы сотының кассациялық алқасы Денис Теннің өліміне қатысты іс бойынша сотталған Жанар Толыбаеваны қауіпсіздігі орташа колонияға қайтаруды сұраған бас прокурордың талабын қанағаттандырды, деп хабарлайды Sputnik Қазақстан.

2019 жылдың наурызында Толыбаева босануына байланысты Алматы соты шешімінің негізінде қауіпсіздігі орташа деңгейдегі колониядан қауіпсіздігі төмен колонияға (қоныс-колония) ауыстырылған болатын.
Еске сала кетсек, Жанар Толыбаева 2019 жылдың 6 наурызында ұл босанды. Осыған байланысты сотталушының адвокаты Амангелді Сариев жазаны өтеу мерзімін кейінге қалдыруды сұраған болатын. Толыбаева сәбидің әкесі Арман Құдайбергенов екенін айтқан еді. Ол да Денис Теннің өліміне қатысты іс бойынша сотталды.
Қаза болған спортшының анасы Оксана Тен мен қорғаушылары Жанар Толыбаеваның жазасын өтеу мерзімін кейінге қалдыруға әуелден қарсы болды.

Денис Теннің қазасы
Қазақстандық мәнерлеп сырғанаушы Денис Тен 2018 жылдың 19 шілдесінде 25 жасында көз жұмды. Көлігінің айнасын ұрлағандарды тоқтатпақ болған спортшыны ұрылар сан тұсынан пышақпен жарақаттады.
2019 жылдың 17 қаңтарында сот Денис Теннің өліміне қатысты сотталушыларға үкім шығарды. Нұралы Қиясов қарақшылық және кісі өлтіру бабы бойынша айыпты деп танылып, 18 жыл бас бостандығынан айырылды.
Арман Құдайбергенов те ұрлық, қарақшылық жасап, кісі өлтірді деп танылды. Оған да 18 жыл бас бостандығынан айыру жазасы кесілген.
Жанар Толыбаева қылмыс болғанын біле тұра, құзырлы органдарға хабар бермегені үшін 4 жылға сотталды.

10 шілде 2019 ж. 39 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Шілде 2019    »
ДсСсСрБсЖмСбЖс
1234567
891011121314
15161718192021
22232425262728
293031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области