Сыр Медиа

жауапкершілігі шектеулі серіктестік
» » «Болашақ экспонат» жобасына қатысушылар көбейді

«Болашақ экспонат» жобасына қатысушылар көбейді

Қызылорда облыстық тарихи-өлкетану музейі мектеп оқушылары арасында «Болашақ экспонат» жобасын ұйымдастыруда.

Жоба ҚР Тұңғыш Президенті – Елбасының «Ұлы даланың жеті қыры» бағдарламалық мақаласының «Тарихи сананы жаңғырту» тарауы бойынша жүзеге асырылып келеді.
Жобаның мақсаты – музей экспонаттары көмегімен тарихи кезеңдерді толық зерттеп, заттай деректермен көрсетіп, әр экспонатты сөйлету арқылы білім мен тәрбиені жастарға егіз беруді көздейді. Сондай-ақ ұрпақты музейге шақырып, тұлғаның шығармашылық дамуын жүзеге асыруды мақсат тұтып отыр.
Жоба аясында оқушылар қазіргі таңда құнды және қолданыстан шықпаған дүниелерге (материалдық және материалдық емес) жастар өзіндік көзқараспен қарап, бүгінгі дүниенің ертеңгі жәдігер екенін ұғынып, сипаттамасы мен тарихын жастардың өздері түсіндіруі тиіс. Жастар болашақ экспонаттың ерекшелігі мен құндылығын өзіндік деңгейде саралап, орнын басқан дүниелермен салыстыра отырып, халыққа жеткізеді.
Облыстық музей оқушыны арнайы видеоға түсіріп, оны ғаламторға жүктейді. Байқау жеңімпаздары ашық дауыспен, яғни «like» санына қарай анықталады. Ағымдағы жылдың әр тоқсаны сайын жеңімпаздар жарияланып, дипломдармен марапатталады.
Биылғы жылдың ІІ тоқсанындағы нәтижесі бойынша жүлделі ІІІ орынды М.Сужиков атындағы №6 орта мектептің оқушылары В.Васильева, А.Әлішер және Қорқыт Ата атындағы ҚМУ студенттері Қ.Досым мен А.Бекбаев иеленді. Ал ІІ орын мінберінен №2 «Мұрагер» мектебінің оқушысы Н.Ералиева көрінді. Қ.Мұхамеджанов атындағы №1 мектеп-гимназиясының оқушысы А.Нұрмаханова І орынды қанжығасына байлады.
09 шілде 2019 ж. 133 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Желтоқсан 2019    »
ДсСсСрБсЖмСбЖс
 1
2345678
9101112131415
16171819202122
23242526272829
3031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области