Сыр Медиа

жауапкершілігі шектеулі серіктестік
» » Арыс тұрғындары 100 мың теңге қаражатты қашан ала алады

Арыс тұрғындары 100 мың теңге қаражатты қашан ала алады

Kyzylorda-news.kz. Арыс қаласы тұрғындары 100 мың теңге аламыз деп әкімдіктің есігін тоздырып қажеті жоқ. Әрбір тұрғын туралы мағлұмат әкімдік тарапынан жиналатын болады. Бұл туралы бүгін БАҚ өкілдерімен өткен брифингте Түркістан облысы әкімінің орынбасары Жолдымұрат Аманбаев мәлімдеді, деп хабарлайды ҚазАқпарат.
Жолдымұрат Аманбаевтың айтуынша, Арыстық тұрғындарға 100 мың теңгеден беру үшін 4 млрд 478 млн теңге қажет. Оның 2 млрд теңгесін республикалық бюджеттен бөлу қарастырылып отыр. Қалған 2 млрд 478 млн теңге қаражатты облыстық бюджеттен бөлу қарастырылған. Ол қаржыларды бюджеттен бөлу үшін облыстық мәслихатты өткізу қажет.
«100 мың теңге бөлу үшін екі аптаның ішінде 44 мыңнан аса адам туралы мәлімет жинаймыз. Сол жарылыс болған күні тіркеуде тұрған азаматтардың тізімін жасаймыз. Ол үшін әкімдіктің есігін тоздырып қажеті жоқ. Себебі, ешкімнен құжат жинамаймыз. Ол жұмысты біз жүйелеп жүргізетін боламыз. Сол мәліметке қарсы 25-іне дейін дайындап болсақ деген жоспар бар. Барлық түскен мәліметті біз түгел тексеріп шығамыз. Отбасында әке шешесі мен бес баласы бар болса, балалардың ата-анасынан ақшаны кімге аудару керектігінсұраймыз. Олар кімнің есеп шотына ақшаны аудару керектігін өздері шешетін болады. Ата-аналардан бұл туралы өтініш жаздырып аламыз», - деді облыс әкімінің орынбасары.
Жолдымұрат Аманбаевтың сөзінше, бұл жұмыстарға «Қазпошта» мекемесі мен «Халық банкі» жұмылдырылатын болады. Облыс әкімі орынбасарының айтуынша күні бүгінге дейін Арыс қаласы тұрғындарын қолдауға арналған қорға 1 млрд 219 млн теңгеден астам қаражат түсті. Бұл қаржыдан әзірге бір тиын да жұмсалмаған.
01 шілде 2019 ж. 56 0

Біздің басылымдар

Сыр бойы
Кызылординские вести
Kyzylorda-News
Ақмешіт апталығы
Ақмешіт жастары
Өскен өңір
Тіршілік тынысы
Қазалы
Толқын
Қармақшы таңы
Жаңақорған тынысы
Жалағаш жаршысы

Жаңалықтар мұрағаты

«    Шілде 2019    »
ДсСсСрБсЖмСбЖс
1234567
891011121314
15161718192021
22232425262728
293031 
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области