Сыр Медиа

жауапкершілігі шектеулі серіктестік
» » «Таза су айдындары» акциясы қорытындыланды

«Таза су айдындары» акциясы қорытындыланды

Kyzylorda-news.kz. Өңірлік коммуникациялар қызметінің ақпараттық алаңында Қызылорда облыстық орман шаруашылығы және жануарлар дүниесі аумақтық инспекция басшысының орынбасары Марат Нұрмағамбетов баспасөз мәслихатын өткізді. Онда «Таза су айдындары» акциясының қорытынды жұмысы сөз болды.
Таза су айдындары» атты табиғат қорғау акциясы облыс аумағындағы балық шаруашылығы су айдындарында 1-31 мамыр аралығында өткізілді. Акция жылда осы мезгілде, жергілікті атқарушы органдармен бірлесіп жасалған іс-шара жоспарына сәйкес, табиғат қорғау мекемелерінің, жануарлар дүниесін пайдаланушыларының, балық шаруашылығы су айдындарына жақын орналасқан ауыл тұрғындарының, студенттердің, оқушылардың және өздеріңіздің қатысуларыңызбен өткізіліп тұрады.
«Бұл акцияның маңыздылығы су айдындарын тұрмыстық қалдықтардан тазалау. Облыстың негізгі балық шаруашылығы су айдындарында, Кіші Арал теңізінде Инспекцияның қызметтік катерлерімен және жануарлар дүниесін пайдаланушарының моторлы қайықтарымен су ішіндегі ау қалдықтары жиналып шығарылды, жануарлар дүниесін пайдаланушылары өздеріне бекітіліп берілген балық шаруашылығы су айдындарының жағалауларын қоқыстардан тазарту жұмыстары жүргізілді»,-деді М. Нұрмағамбетов.
Облыстық бір айлық «Таза су айдындары» атты табиғат қорғау акциясының нәтижесінде, тазалау жұмыстарына 752 адам қатысып, 98 техника және 22 шағын көлемдегі кемелер жұмылдырылып, 53,6 тоннаға жуық әр түрлі тұрмыстық қоқыстар мен 530 ау-құралдардың қалдықтары жиналып тазартылған.
11 маусым 2019 ж. 25 0
  • Нақты қадам
  • Digital Kazakhstan
  • Egov
  • Жаңғыру 30
  • Рухани Жаңғыру
  • Нұрлы жол
  • Сайт президента
  • Акимата Кызылординской области